كــــــــــشــــــــــريـــــــــــــــــــــــ
--------------------------------------------------------------------------------
اليوم قلت بسوي طبخه بدون ايدام تغيير فسويت الكشري بطريقتي وانشالله تعجبكم
مقاديري وطريقتي
غسلي 3 كوب عيش ونقعيه مده ساعه
غسلي كوب عدس اسمر وسلقيه بماي مغلي وبعد مايستوي سوي له حمس واهي بصله مقصصه حمسيها مع فص كبير ثوم مفروم وحطي فوقهم العدس الاسمر وحركيهم شوي عالنار مع اضافه شويه ملح وفلفل اسود وحطيه على جنب
اخذي كوبين شعريه وحمسيهم بزيت لما يحمر
صفي العيش من الماي عدل وكبيه العيش فوق الشعريه وحمسيهم زين لما تحسين العيش تغير لونه
حطي عليه مكعب ماجي واحد وفلفل اسود ومسمار وشويه جوزه الطيب مدقوقين
حطي على العيش ماي مغلي كميه الي تغطي العيش باصبعين وحطي معاه ملح حسب تذوقج وخليه ينجبس ويتشرب الماي ويستوي
اللحين صفي العيش بصينيه بايركس
سلقي معكرونه بالطريقه العاديه مع ملح وزيت وصفيه من الماي ورديه بالجدر على نار خفيفه وحطي عليه شويه زيت وفلفل اسود
حطي المكرونه فوق العيش
,صحتييييييين وعااافيه على قلوبكم...